Data u ħin
Il-Ħamis 23 ta’ Settembru,2021, 6:30pm

Elektronika huwa proġett li ġie varat fi Frar li għadda bl-iskop li jiżviluppa storjografija tal-mużika elettronika f’Malta. F’dan is-sajf, dan il-proġett jidħol f’fażi ġdida permezz ta’ serje ta’ sessjonijiet ta’ stejjer orali fejn qed jiġi esplorat l-iżvilupp u l-evoluzzjoni tax-xena tal-mużika elettronika f’Malta.

It-tielet minn dawn is-sessjonijiet bl-isem: ‘It-Tielet Sessjoni: Promozzjoni (avvenimenti lokali mill-lat internazzjonali, programmi tar-radju u l-impatt tagħhom) se tikkonsisti f’intervista minn dj’s li kienu xandara u promoturi attivi ħafna fil-perjodu tad-disgħinijiet u s-snin ta’ wara li kienu Adrian V, Bryan S u Junior B. Wara din is-sessjoni, Junior B ħa jdoqq ‘dj set’ ta’ siegħa.

Dan il-proġett huwa mmexxi minn Electronic Music Malta flimkien mal-Fondazzjoni M3P u huwa megħjun mill-Kunsill Malti għall-Arti. Elektronika huwa parti mill-programm ta’ Spazju Kreattiv.