Elektronika huwa proġett ġdid li għandu l-għan li jiżviluppa storiografija tal-mużika elettronika f’Malta. Matul dan l-avveniment, il-koordinatur tar-riċerka tal-proġett, Michael Bugeja, se jitkellem dwar il-fażi attwali ta’ riċerka dwar il-crowd-sourcing tal-proġett li qed tiġi kkurata b’mod diġitali permezz tal-URL http://www.m3p.com.mt/wiki/Elektronika. Michael se jintervista wkoll lill-artist tal-mużika sperimentali Kurt Buttigieg dwar il-parteċipazzjoni tiegħu f’dan il-proġett u l-produttur tal-mużika elettronika, Sonitus Eco li se jkun ukoll l-artist li jkun mistieden matul dan l-avveniment.

It-taħdita / prestazzjoni se tkun ippreżentata u mmexxija minn Edwin Balzan.

Dan se jkun avveniment ibridu li se jkun miftuħ għall-pubbliku kif ukoll live streaming. Id-dħul huwa bla ħlas iżda suġġett għal prenotazzjonijiet fuq www.kreattivita.org.

Dan il-proġett huwa ġestit minn Electronic Music Malta flimkien mal-Fondazzjoni M3P u huwa appoġġjat mill-Arts Council Malta. Dan l-avveniment huwa parti mill-Programm Spazju Kreattiv.

Tim Kreattiv

Michael Bugeja, Sonitus Eco, Kurt Buttigieg u Edwin Balzan.

Spazju Kreattiv, Arts Council Malta.