Il-fotografu Ġermaniż Carsten Sander jiġbed ritratti ta’ persuni Ewropej ta’ etniċitajiet, reliġjonijiet u dawk li ġejjin minn sferi soċjali differenti.

Sander juri ċelebritajiet, atleti, politiċi, individwi li jiltaqgħu b’kumbinazzjoni fit-toroq u kollha fuq termini ugwali, ġenb ma’ ġenb. Faces of the European Union hija dimostrazzjoni impressjonanti ta’ sentiment Ewropew u ġieħ għall-koeżistenza paċifika, it-tolleranza u l-valuri komuni. B’mod kontemporanju, dan il-proġett jiffoka fuq l-umanità, l-emozzjonalità u l-poter viżjonarju tal-idea Ewropea madwar l-Ewropa kollha, minn Madrid sa Riga, minn Dublin sa Bilbao.