Lithuanian Film Days 2022
- This event has passed.
Lithuanian Film Days 2022
Children From The Hotel “America”
Il-Ġimgħa 11 ta’ Marzu, 2022, 6.30pm
Dewmien: Siegħa u 30 minuta
Cert:15
Lingwa oriġinali: Litwan
Sottotitoli: Ingliż
L-ewwel sottomissjoni tal-Litwanja indipendenti fis-sezzjoni tal-Berlinale Panaroma tal-1991
Huwa s-sajf tal-1972 f’Kaunas, il-Litwanja. Għalkemm il-mużika rock and roll hija projbita fil-USSR, grupp żgħir ta’ żagħżagħ jisimgħu bil-moħbi r-radju tal-Lussemburgu u joħolmu… Huma jgħixu kollha f’dar li qabel kienet lukanda li kien jisimha “America”. L-attivitajiet innoċenti tagħhom jiġbdu l-attenzjoni tal-aġenti tal-KGB li eventwalment jipprovaw jifirdu dan il-grupp ta’ żagħżagħ. Dan huwa film dwar il-ġenerazzjoni ta’ “hippies” Litwani u l-avvenimenti ta’ kunflitt fil-Litwanja fl-1972 (ir-rebbiegħa ta’ Kaunas) meta student ta’ 19-il sena, Romas Kalanta, ferrex il-pitrolju fuqu nnifsu u ħaraq lilu nnifsu bħala protesta kontra r-reġim Sovjetiku.
The Jump
Il-Ġimgħa 11 ta’ Marzu, 2022, 9pm Q&A mad-direttur Ms Giedrė Žickytė wara l-film.
Il-Ħadd 13 ta’ Marzu, 2022, 8pm
Dewmien: Siegħa u 24 minuta
Cert 12 A
Lingwa oriġinali: Litwan
Sottotitoli: Ingliż
Huwa Thanksgiving Day, fl-1970. Il-gwardja kostali tal-Istati Uniti toħroġ biex tiltaqa’ ma’ bastiment Sovjetiku mhux ’il bogħod ħafna mill-gżira ta’ Martha’s Vineyard. Konferenza ta’ ġurnata bejn iż-żewġ nazzjonijiet kienet ippjanata biex jiġu diskussi d-drittijiet tas-sajd fl-Oċean Atlantiku.
Waqt li t-taħditiet kienu fl-aqwa tagħhom, il-baħri Litwan Simas Kudirka jaqbeż minn fuq l-ilma kiesaħ silġ għal fuq il-bastiment Amerikan b’ansjetà kbira biex jipprova jieħu l-ħelsien tiegħu. Għall-kuntrarju ta’ dak li ħaseb, u bid-diżapprovazzjoni kbira tal-midja tad-dinja, l-Amerikani rritornawh lura lis-Sovjetiċi u mbagħad kellu jgħaddi minn ġuri għal tradiment. Dan l-avveniment ikun il-bidu ta’ serje ta’ protesti madwar l-Istati Uniti jitolbu l-ħelsien tiegħu u meta jidher li ma jkunx fadal tama, tiġi żvelata informazzjoni ġdida dwar iċ-ċittadinanza ta’ Simas. Permezz ta’ xhieda li kienu fuq il-post, filmati rari mill-arkivji u rikostruzzjoni drammatika fl-ewwel persuna minn Simas Kudirka, li issa għandu 90 sena, id-direttur Giedrė Žickytė jeħodna fuq vjaġġ straordinarju li sar ta’ ispirazzjoni għal nies, films u politika, u li saħansitra wasal sal-White House.
Runner
Is-Sibt, 12 ta’ Marzu, 2022, 4pm
Dewmien: Siegħa u 37 minuta
Cert: 15
Lingwa oriġinali: Litwan
Sottotitoli: Ingliż
Wara li l-għarus tagħha esperjenza episodju psikotiku u jisparixxi, Maria hija determinata li ssibu u tgħinu.
Hija tibda ssewgi kull traċċa dwar fejn huwa jista’ jkun u tibda vjaġġ eċitanti madwar il-belt. Għalkemm hija dejjem tkun għadha pass lura, xorta waħda tistinka kemm tiflaħ biex tiġġieled kemm għall-imħabba kif ukoll għal-libertà tagħha.