Opening Doors Association, organizzazzjoni tal-arti għal persuni b’diżabbiltà intellettwali, se tkun qed tintroduċi sensiela ta’ workshops inklużivi, fejn kull min hu interessat fil-prattika artistika kreattiva bħal żfin/moviment, teatru fiżiku jew mużika jista’ jingħaqad.

Il-workshop se jsegwi l-istruttura ta’ klassi ta’ żfin kreattiv, ibbażata fuq iż-żfin bħala mudell ta’ arti, minn Jaqueline Smith-Autard. Serje ta’ ħidmiet u eżerċizzji se jkunu artikolati fi ħdan it-tliet komponenti tal-klassi: il-ħolqien, l-eżekuzzjoni, u l-apprezzament taż-żfin.

B’mod ġenerali, is-sessjoni se timmira li ttejjeb il-parteċipanti:

– kreattività personali
– indipendenza artistika individwali
– kollaborazzjoni ma’ sħabhom
– soċjalizzazzjoni

________________________________________________________________________________________________________________________________

Biex tirreġistra għall-workshop tista’ tagħmel dan billi tibgħat email fuq [email protected]