Electronic Music Malta (EMM) jippreżenta l-festival annwali ta’ mużika elettronika Circuits bi prestazzjonijiet streaming u live minn diversi artisti Maltin, kif ukoll serje ta’ workshops interessanti.  Minħabba l-pandemija tal-COVID-19, il-festival ser jieħu forma ibrida, u ser jittella’ bejn is-17 t’Ottubru u nofs Novembru 2020 kemm onlajn kif ukoll live.

Fis-17 t’Ottubru, il-festival ser jibda b’workshop live, li ser jiġi streamed onlajn wkoll.  Dan il-workshop ser jingħata minn Tom Ammermann dwar “A Journey into Spatial Sound”.  Ammermann, nominat fl-2017 għall-Grammy, huwa pijunier fl-iżvilupp ta’ tekniki ta’ ħoss 3D jew Spazjali, tekniki rivoluzzjonarji li bidlu l-mod kif wieħed jisma il-mużika u l-ħoss.  Dan jista’ jiġi biss muri u esperjenzat live lill-udjenza preżenti – filwaqt li jiġu mobdija r-regolamenti tad-distanza soċjali, b’oppoprtunità għall-mistoqsijiet ukoll.  Il-workshop ser jiġi segwit minn prestazzjoni live minn DJ Giacinte u DJ Tina fuq il-bejt ta’ Spazju Kreattiv.  Bidliet fl-aħħar minuta jistgħu jseħħu minħabba s-sitwazzjoni preżenti tal-pandemija tal-COVID-19.

Data u Ħin: Is-Sibt, 17 ta’ Ottubru 2020

Zoom link for live streaming: għafas hawn

TIM KREATTIV
Edwin Balzan, Luc Houtkamp

KOLLABORATURI
Spazju Kreattiv, Arts Council Malta and the German Maltese Circle