MalTease

Dati u Ħin
Il-Ġimgħa 23 ta’ Lulju 2021, 8pm
Is-Sibt 24 ta’ Lulju 2021, 6pm u 9pm
Il-Ħadd 25 ta’ Lulju 2021, 6pm u 9pm

Wara s-suċċess ta’ edizzjonijiet preċedenti, inwasslulkom MalTease, proġett ta’ Varjetà u Burlesque ispirat mill-atmosfera tbaqbaq tal-arterja ewlenija tad-divertiment tal-Belt Valletta: Strada Stretta.

Dan l-avveniment eċċitanti huwa lura għar-raba’ edizzjoni tiegħu b’saħansitra aktar vavavumm! L-ispettaklu jdur madwar atti, xi ftit jew wisq marbutin fi storja li tieħdok fuq vjaġġ fl-ispazju u fiż-żmien, u twasslek lura għaż-żmien tal-kabaret ta’ Malta. Aħna impenjati li nkomplu nuru d-diversità u l-versatilità tal-arti tal-Burlesque li mhix biss żfin burlesque iżda wkoll kummiedja, kanzunetta, ħiliet multidixxiplinarji, dinja ta’ satiri, tlellix, ċajt imqareb, kunfidenza li tittieħed, gost u rix. Aħna impenjati li nagħtu palk lill-performers ta’ kwalunkwe tip ta’ ġisem, ta’ kulur, LGBTIQA +, u ta’ kull età u sess! Maltin flimkien ma’ artisti minn madwar id-dinja joħolqu l-eċitament ta’ dik li hija r-raba’ edizzjoni tal-akbar wirja ta’ Burlesque f’Malta.

TIM KREATTIV
Colin Fitz (MC)
Henk Wolswijk and Larissa (Kant)
Gwilym Bugeja (Maġija)
Larissa (Kantanta)
Undine LaVerve (Malta)
Lotta Love (Slovakja)
Elsey Marley (Il-Ġermanja)
Kain Soma (L-Ingilterra)
Bella Stardust (Malta)
and BAM (studenti ta’ Burlesque Academy of Malta li ser jtellu att fi grupp u jagħtu daqqa t’id wara l-kwinti matul l-ispettaklu)