Data u Ħin: Is-Sibt, 8 ta’ Settembru 2018, 8pm Post: Studjow B, Spazju Kreattiv Prezz: €5 / €3 (studenti u anżjani) / Bla ħlas (membri ta’ Electronic Music Malta) Il-pjanista kontemporanja rinomata Tricia Dawn Williams se twettaq għazla ta’ xogħolijiet mir-repertorju tal-kompożitur diġitali ‘avant-garde’ minn Tokyo, Atau Tanaka. Wara din l-intoduzzjoni mużikali, Tanaka stess se jwettaq wħud mix-xogħolijiet oriġinali tiegħu. Ix-xogħolijiet ta’ Tanaka jesploraw metodi differenti li permezz tagħhom id-driegħ mill-minkeb sal-polz jista’ jintuża biex jgħati xeħta partikolari lill-ħoss. Sistema ta’ sensuri jiskopru l-‘electromyogram’ (EMG), impulsi elettriċi mis-sistema nervuża li jikkawżaw tensjoni fil-muskoli, u li jittrasformaw il-ġisem tal-artist fi strument mużikali. Dan jippermetti li l-mużiċist jartikola l-ħoss permezz ta’ ġesti konċentrati. Ir-rapreżentazzjoni se tinkludi għażla ta’ xogħol imwettqa minn Williams, fosthom il-premiere ta’ ‘All Work and No Play’ ta’ Ruben Zahra. Ritratt: Sebastien Roy