National Theatre Encore: All My Sons

Dati u Ħinijiet:  Il-Ħamis, 13 ta’ Ġunju, 7.30pm Il-Ħadd, 30 ta’ Ġunju, 6pm Post: Iċ-Ċinema ta’ Spazju Kreattiv Prezzjiet: Adulti: €12 Konċessjonijietgħall-istudenti u l-anzjani: €10 Tfal taħt 12-il sena: €5 B’xandira diretta minn The Old Vic ġewwa Londra, ir-rebbieħa tal-Academy Award Sally Field (Steel Magnolias,Brothers & Sisters) u Bill Pullman (The Sinner, Independence Day) huma l-protagonisti fid-dramm tant emozzjonanti ta’ Arthur Miller, All My Sons. L-Amerka tal-1947. Minkejja l-għażliet diffiċli u l-ħafna disfatti li taf iġġib magħha l-ħajja, Joe u Kate Keller huma storja ta’ suċċess. Huma bnew dar, rabbew żewġ subien u rnexxielhom jistabbilixxu wkoll negozju li kulma jmur dejjem sejjer tajjeb. Iżda xejn mhu għal dejjem, u ħajjiethom feliċi, diġà maħkuma mid-dlam minħabba t-telfa tat-tifel il-kbir tagħhom fil-gwerra, issa waslu sabiex jitfarrku. Mar-ritorn ta’ figura mill-passat, veritajiet li ilhom mistura s-snin issa huma mġegħlin jinkixfu bħalma jkollu jinkixef il-prezz tal-ħolma Amerikana. Jeremy Herrin (NT Live: This House, People, Places & Things) jidderieġi cast li jinkludi lil Jenna Coleman (Victoria) u lil Colin Morgan (Merlin). All My Sons hija koproduzzjoni ta’ Old Vic ma’ Headlong. https://www.youtube.com/watch?v=FP6C8jmrpN4&feature=youtu.be