National Theatre Encore: The Audience

Data u Ħin: Il-Ħadd 21 ta’ Lulju 2019, 6pm Post: Iċ-Ċinema ta’ Spazju Kreattiv Prezzjiet: Adulti: €12 Konċessjonijiet (studenti u anzjani): €10 Tfal taħt 12-il sena: €5 The Audience ta’ Peter Morgan b’direzzjoni ta’ Stephen Daldry Bħala parti miċ-ċelebrazzjonijiet f’għeluq l-10 anniversarju mill-bidu tan-National Theatre Live, żewġ produzzjonijiet monumentali se jkunu qegħdin jirritornaw għal preżentazzjonijiet encore. Helen Mirren (The Queen), rebbieħa tal- Academy Award®, tinterpreta r-Reġina Eliżabbetta II matul il-produzzjoni The Audience, rebbieħa tat-Tony Award® Miġbuda diretta mill-West End ta’ Londra fl-2013, ix-xandira oriġinali se tkun qiegħda tirritorna fis-swali taċ-ċinema bħala parti miċ-ċelebrazzjonijiet f’għeluq l-10 sena mill-bidu tan-National Theatre Live. Ir-Reġina Eliżabbetta II ilha 60 sena tiltaqa’ mal-Prim Ministri tagħha ‒ 12 b’kollox ‒ għal laqgħa privata kull ġimgħa. Din il-laqgħa hija magħrufa aħjar bħala The Audience. Ħadd ma jaf x’jiddiskutu. Saħansitra lanqas in-nisa u l-irġiel tagħhom ma jafu! Mill-gwerrier ta’ snin ilu Winston Churchill, għal Margaret Thatcher ‒ magħrufa bħala The Iron Lady, u finalment għal David Cameron, ir-Reġina tagħti pariri lill-Prim Ministri tagħha fuq kwalunkwe materja; kemm materji pubbliċi kif ukoll dawk personali. Permezz ta’ dawn il-laqgħat privati nistgħu naraw mumenti mill-ħajja tal-mara li ġġorr il-kuruna u nassistu għal dawk il-mumenti li kienu strumentali fit-tiswir tal-karattru ta’ monarka. https://www.youtube.com/watch?v=w-gAsJDc64A