Data u ħin
Il-Ħamis, 7 ta’ April, 2022, 7.30pm

Ibbażata tnax-il sena qabel it-triloġija epika tiegħu His Dark Materials , dan l-adattament interessanti jerġa’ jżur id-dinja fantastika ta’ Philip Pullman fejn qed jogħlew l-ilmijiet u qed jiffurmaw il-maltempati.

Żewġ żgħażagħ u d-dæmons tagħhom, waqt li kollox qiegħed f’riskju, isibu ruħhom fiċ-ċentru ta’ tiftixa terrifikanti għal persuna. Huma qed jieħdu ħsieb tifla ċkejkna jisimha Lyra Belacqua, u f’dik it-tifla jinsab id-destin tal-futur. U hekk kif l-ilmijiet jogħlew madwarhom, avversarji ta’ setgħa qawwija jikkonfoffaw għall-ħakma ta’ Dust: salvazzjoni għal xi wħud, u sors ta’ korruzzjoni infinita għal oħrajn.

Tmintax-il sena wara l-produzzjoni rivoluzzjonarja tiegħu ta’ His Dark Materials , id-direttur Nicholas Hytner jirritorna għall-univers parallel ta’ Pullman, fit-Teatru Nazzjonali. Xandira diretta mill-Bridge Theatre ta’ Londra