X’sinifikat għandha l-kelma ‘arkivju’ fid-dinja kontemporanja u diġitalment konessa? U kif tista’ l-prattika artistika tinvolvi teknoloġiji moderni biex iddaħħal tifsira ġdida f’materjal arkivjali? Korp ta’ xogħol ġdid mill-artist Alex Urso jieħu dawn il-mistoqsijiet bħala punt tat-tluq, jirrevedi u jerġa’ jinterpreta materjal li jinsab fl-arkivju ta’ Magna Żmien.

Urso jsellef il-materjalità fid-diġitali, u jagħti tridimensjonalità permezz ta’ installazzjonijiet u collage interattiv. Immaġini familjari għall-udjenzi Maltin – pajsaġġi tat-toroq tas-seklu 20 kif ukoll xeni ta’ kuljum u ritratti – li jerġgħu jiġu immaġinati u kkuntestwalizzati mill-ġdid f’diversi stampi fissi u li jiċċaqalqu. Din l-esebizzjoni li hija parti mill-Festival ta’ ŻiguŻajg fejn tinteraġġixxi ukoll ma’ udjenza multi-ġenerazzjonali, li tippermetti lill-passat jivvjaġġa lejna, u jagħmel xeni mill-passat aċċessibbli għall-għajnejn tas-seklu 21. Immaġini wieqfa u li jiċċaqalqu jidħlu u joħorġu bħal oġġetti pulsijiet b’mijiet ta’ kubi tal-karta jakkumulaw f’manifestazzjoni fiżika ta’ immaġini diġitali, u ħajjiet li diġà għexu jingħataw ħajja permezz ta’ realtà miżjuda (augmented).

Artist
Alex Urso

Sound
Yasmin Kuymizakis

Kuratur
Margerita Pulè

Diskussjoni – Valletta Design Cluster