Film għall-istaġun tal-Milied

Dati u Ħin: il-Ħadd, 23 ta’ Dicembru 2018, 11.00am Post: Iċ-Ċinema ta’ Spazju Kreattiv Prezz: €7 / €6 (membri taċ-ċinema club) €5 tfal taħt 12 il- sena. € 20 Biljett tal-familja: 2 Adulti u 2 tfal

Film klassiku għaż-żmien tal-Milied! B’introduzzjoni mis-Sur Dickens innifsu (jew Gonzo … ?), The Muppet Chistmas Carol hija addattazzjoni divertenti li tibqa fidila kemm għall-istil anarkiku u inimitabbli tal-Muppets u għall-materjal ta’ sors tagħha – bejn wieħed u ieħor.

Michael Caine għandu r-rwol ewlieni ta’ Ebenezer Scrooge, qammiel b’qalb sewda. Dan jircievi żjara minn numru ta’ fatati matul Lejlet il-Milied, li lkoll jħeġġuh biex ibiddel l-aġir krudili tiegħu qabel ma jkun tard wisq. Huwa jiltaqa’ mad-destin tiegħu grazzi għal kast memorabbli ta’ Muppets, fosthom Kermit the Frog bħala Bob Cratchit, Miss Piggy bħala l-mara tiegħu, Emily, Statler u Waldorf bħala t-tliet aħwa spettrali Marley u Rizzo the Rat bħala … Rizzo the Rat.