Data u ħin
Il-Ġimgħa,10 ta’ Diċembru, 2021, 6pm

F’films bħal ‘Yella’, ‘Phoenix’ u aktar reċentament ‘Transit’, Christian Petzold offra vista panoramika fuq il-Ġermanja tal-preżent u tal-passat, u jissottometti storja taċ-ċinema u jieħu riskji eżileranti bil-pjaċir tan-narrativa.

Undine, wieħed mill-aktar films sperimentali tiegħu, huwa drama kważi-realista u kitba mill-ġdid evokattiva tal-leġġenda Ġermaniża tan-ninfa tal-ilma.

Paula Beer (Frantz) hija storika tal-urbaniżmu f’Berlin, u għaddejja minn kriżi romantika meta letteralment ikollha inkontru splussiv mal-għaddas industrijali Christoph (il-kollega ta’ Beer fi Transit Franz Rogowski).  Petzold jilgħab b’mod eleganti u provokattiv f’xifer l-impossibbli – u kontra kull mistenni, juża l-maġija interjuri tiegħu u joħroġ b’reċta mill-aqwa, kommoventi u, bħal dejjem, intellettwali ħafna.

Undine se jiġi ppreżentat bħala parti mill-European Arthouse Cinema Night 2021.

Dan l-avveniment huwa sponsorjat mill- European Commission’s Creative Europe MEDIA programme u ko-organizzat ma’ Europa Cinemas.

Il-patruni kollha li se jattendu avvenimenti fi Spazju Kreattiv għandhom jippreżentaw ċertifikazzjoni tal-vaċċin fil-punt tad-dħul tagħhom.