- This event has passed.
Songcraft 2020
Minn tħarbixa għal fuq il-palk!
Jitnieda t-tieni edizzjoni ta’ Songcraft li jikkonsisti fi programm ta’ taħriġ għal kantawturi żgħażagħ. Aġenżija Żgħażagħ u Spazju Kreattiv ingħaqqdu flimkien sabiex jipprovdu programm għal sitt kantawturi żgħażagħ ta’ bejn is-16 u l-20 sena.
Minħabba iċ-ċirkustanzi tal-Covid-19, il-programm ġie addattat sabiex is-sessjonijiet kollha isiru online permezz ta’ faċilitajiet ta’ ‘video-conferencing’.
Alex Alden (kwantawtriċi), Matthew James (kantawtur) u Alison Galea (Etnika, Beangrowers, The Shh) se jħarrġu lis-sitt parteċipanti biex ix-xogħol tagħhom fil-qasam tal-mużika jitjieb għal livell iktar professjonali fejn imbgħad se jkunu qed jagħtu prestazzjoni tal-kanzunetti tagħhom quddiem udjenza fi spettaklu li se jkunu organizzat apposta fi Spazju Kreattiv f’Settembru 2020.
Il-membri tat-tim tal-komunikazzjonijiet ta’ Spazju Kreattiv se jkunu qed jiggwidaw lil dawn il-parteċipanti żgħażagħ fir-rigward tal-kummerċjalizzazzjoni tal-mużika u t-tnedija tal-karrieri tagħhom, waqt li l-Youth Workers tal-Aġenzija Żgħażagħ se jsegwu l-progress tagħhom mill-qrib.
Nirringrazzjaw lill-mentors tagħna talli qed jaqsmu l-għarfien u l-esperjenza tagħhom ma’ dawn iż-żgħażagħ.