Circuits 2019 – Poèmes Électroniques & Pow Ensemble

Data u Ħin: Is-Sibt, 4 ta’ Mejju, 2019, 8pm Post: It-Teatru ta’ Spazju Kreattiv Prezz: EUR10 (EUR8 għall- membri tal-EMM) Il-konferenza ‘Circuits 2019’ tiġi fi tmiemha permezz ta’ rappreżentazzjonijiet mill-gruppi elettroniċi POW Ensemble u Poèmes Électroniques. POW Ensemble ġew imwaqqfa mill-kompożitur Malti/Olandiż Luc Houtkamp, u huwa ‘chamber ensemble’ tas-seklu 21 li jdoqq permezz ta’ ħsejjes elettroniċi u komputers imħallta ma’ strumenti akustiċi. Dan l-‘ensemble’ hu rinomat internazzjonalment li jippreżenta l-mużika elettronika lill-udjenza b’mod pjuttost komprensiv. POW Ensemble hu ffurmat minn Guy Harries – vuċi, flawt, kompjuter, ħsejjes elettroniċi, drum machine; Luc Houtkamp – sassofonu, kompjuter, ħsejjes elettroniċi u Tom Armitage – vuċi, synthesizers. Poèmes Électroniques jimprovizzaw rappreżentazzjoni mużikali immersiva permezz tal-kombinazzjoni distinta u modernista bejn ‘modular synthesizer’ u l-perkussjoni. Permezz t’hekk, l-udjenza titwassal fi spazju li jistimola s-sensi u fejn ir-realta tisfoka fil-waqt li l-konfini tal-ħsejjes jikbru. Dan il-grupp huwa spirat mix-xogħol ta’ Edgar Varèse, Poème Électronique li kien xogħol seminali ta’ mużika elettronika komposta apposta għall-Padiljun tal-Philips waqt il-Fiera Dinjija li kienet saret fi Brussel fl-1958; kif ukoll il-mużika elettro-akustika ta’ Karlheinz Stockhausen. Poèmes Électroniques huma ffurmati minn Dr. Marc Fleury imwieled Franza li jfakkarna f’pajsaġġ tal-ħoss meditattiv waqt prestazzjonijiet bl-użu ta’ ‘modular synthesizer’ rari imżewwaq b’effetti moderni; kif ukoll il-perkussjonista Stuart Gerber. Il-konferenza ser tkun bla ħlas filwaqt li l-biljetti għall-kunċerti jixtraw: Biljett ta’ ġurnata: EUR10 (EUR8 għall- membri ta’ EMM) Biljett għaż-żewġ avvenimenti: EUR15 (EUR12 għall- membri ta’ EMM ), (Circuits 2019 – Poèmes Électroniques & Pow Ensemble + Circuits 2019 – Yuri Landman Performance-Lecture)

Biex tixtri biljett wieħed għaż-żewġ avvenimenti (EUR15 ), jekk jogħġbok agħżel post minn fuq iż-żewġ avvenimenti u s-sistema tiddireġik għall-prezz imraħħas awtomatikament.

Ġħall-membri ta’ EMM, jekk jogħġobkom agħżlu post minn fuq iż-żewġ avvenimenti, u agħżlu ‘EMM Members’ mill-menu ta’ fuq.  Kif isir dan, is-sistema tiddireġik għall-prezz speċjali u mraħħas awtomatikament.